બાળગીત - મારી વાડીમાં બોલે એક મોરલો ગોહિલ પ્રદિપ
મારી વાડીમાં બોલે એક મોરલો રે લોલ
મારી વાડીમાં ડોલે એક ઢેલડી રે લોલ
મોર ટહૂકા કરે
ઢેલ ડોલી ઉઠે
બન્ને જુએ છે વર્ષાની વાટડી રે લોલ
મારી વાડીમાં બોલે એક મોરલો રે લોલ
મોર કળા કરે
મેઘ ગાજી ઉઠે
મેઘરાજા તો ધરતી ઉપર આવ્યા રે લોલ
મારી વાડીમાં બોલે એક મોરલો રે લોલ
મોર થનગન નાચે
ઢેલ રૂમઝૂમ દોડે
બન્ને મળીને રમે રૂડી રમતો રે લોલ
મારી વાડીમાં બોલે એક મોરલો રે લોલ
સ્વરચિત બાળગીત
શ્રી રૂપાવટી પ્રા. શાળા , તા- જસદણ
No comments:
Post a Comment